ზღარბუნა
ზღარბუნა და ბაჭია მეგობრები არიან. ახლა ზაფხულია. მეგობრები ტყეში სულ ერთად დასეირნობენ.
ერთხელ სეირნობისას მეგობრებმა ნაკადულის ყვავილებით მოხატულ ნაპირს შორს გასდიეს. ბაჭიამ უცებ ქვას წამოჰკრა ფეხი, თავი ვეღარ შეიკავა და ცხვირი ზღარბუნას ეკლიან ჯავშანს გაჰკრა. ზღარბუნა რა შუაში იყო, მაგრამ მეგობარს მაინც მოუბოდიშა:
-ბოდიშს გიხდი, ბაჭია! არ მინდოდა, რამე გტკენოდა.
ბაჭია ძალიან გაბრაზდა:
-რა ცუდია, ზღარბი რომ ხარ! თანაც ჩემი საუკეთესო მეგობარი...ეკლები მაინც არ გესხას...
ზღარბუნას გული ეტკინა, მაგრამ მეგობრისთვის არაფერი უთქვამს.
ნაკადული დაღმართს ჩაუყვა, მეგობრები აღმართს აჰყვნენ. უეცრად გზაზე მელიას გადაეყარნენ. მელიამ ბაჭიასკენ ისკუპა. ბაჭიამ თვალები დახუჭა, შიშისგან აკანკალებულმა გაქცევაც კი ვერ მოიფიქრა.
ზღარბუნა მეგობარს აეფარა და სასწრაფოდ დაიგორგლა. მელიამ ცხვირ-პირი ეკლიან გორგალს მაგრად დაჰკრა და სულ დაისისხლიანა. გამწარებული მელა წკმუტუნით ჩაქანდა დაღმართზე. ბაჭიამ თვალები გაახილა.
-რა კარგია, ზღარბი რომ ხარ, თანაც ჩემი საუკეთესო მეგობარი! -შესძახა მან,- ყველაფერს მივხვდი, ზღარბუნა! ბოდიშს გიხდი, დაუფიქრებელი სიტყვებით რომ გული გატკინე! აი, თურმე რისთვის ყოფილა საჭირო შენი ეკლიანი ჯავშანი!
სხვა მოთხრობები
დედაჩემს დეა ჰქვია. ხომ ლამაზი სახელია? დედა-დეა. ერთი დ აკლია, თორემ სახელადაც დედა ერქმეოდა. დედაჩემი დედად მუშაობს, ჩვენ გვივლის, მე და ჩემს დაიკო მაგდას....
პატარა კესო ქვიშის სათამაშო კოშკს აგებს. კოშკი ძალიან ლამაზია. კესოს უხარია. ნიკამ დაინახა ქვიშის კოშკი, დაჰკრა ფეხი და დაანგრია. კესო ატირდა: - ამ კოშკს დიდხან...
პატარა წვეთი დედამიწაზე ცხოვრობდა,-ლიკლიკა ნაკადულის ტალღებში. ლიკლიკა ნაკადული ლამაზ მინდორზე მიედინებოდა. პატარა წვეთი წყლის ნაკად მიჰყვებოდა, ცას უყურ...
ხედავთ? ტყეში ყველა შრომობს. ყველა საქმეშია გართული. კოდალა ხეებს მკურნალობს, ჭია-მატლებისგან იცავს. ციყვი თხილსა და კაკალს აგროვებს. ზღარბი სოკოს იმარაგებს...
შენ ალბათ იცი, რომ ჩვენი ანბანის სასახლეში ოცდაცამეტი ასო-ბგერა ცხოვრობს. მათგან ხუთი ხმოვანია, დანარჩენი-თანხმოვანი. ხმოვნები მომღერალი ბგერები არიან. თანხმო...
მათეს ძალიან უყვარს ფეხბურთი. უნდა ეზოს გუნდში თვითონაც იყოს, მაგრამ ბავშვები არ ათამაშებენ, ეუბნებიან, ჯერ პატარა ხარო. ამიტომაა, რომ მათე მარტო ვარჯიშობს, ბიჭ...
ბურდღუნა დათუნია ბუთა ტყეში უსაქმოდ დაეხეტებოდა. ნაძვის ნერგს დაეჭიდა, - დიდმა ხეებმა დაუტატანეს, - არ გადატეხოო. ნეკერჩხალზე აცოცდა, - ჩიტუნია რიამ გაკიცხა, ბუ...
დარეჯანმა თავისი ჯადოსნური ფუნჯით ჯადოქარი ჯღუნა დახატა. ამ დროს ჯაბამ დაუძახა. დარეჯანი ჯაბასთან გაიქცა, ნახატზე ჯღუნა გაცოცხლდა. მიიხედ-მოიხედა და მშვენიერი თ...
- მე ქვეყანას სინათლესა და სითბოს ვაძლევ! -თავს იწონებდა მზე. - მე მაცოცხლებელ წვიმას, -გაიძახოდა ღრუბელი. - მე ხომ უხვი წყლით ვარ ცნობილი! -გაიძახოდა მდინარე...
დღეს ვაშლის კრეფაა! დიდები და პატარები ხეხილის ბაღში არიან. უფროსები ვაშლს კრეფენ. ნატო და სანდრო დაკრეფილ ვაშლს არჩევენ. წითელ-წითელ და მსხვილ-მსხვილ ვაშლებ...
დაეხმარე სახელის შერჩევაში
ასწავლეთ ბავშვს, როგორ მოიქცეს ცხოველებთან
აუხსენით ბავშვს, როგორ უნდა მოიქცეს ცხოველებთან და როგორ უნდა მოერიდოს მათგან საფრთხეს.
