ჭიანჭველა
ჭანჭიკა პაწაწა ჭიანჭველაა. ისიც ძმებივით ღონიერია, მაგრამ ერთი უცნაურობა სჭირს. თუ მისი ძმები ბუდისკენ ვაშლსა და სოკოს ეზიდებიან, ჭანჭიკა ათას ხარახურას ეზიდება. შეიპარება მჭედელი ჭოლას ეზოში და ხან ხის, ხან რკინის გადაყრილ, უსარგებლო ნაჭრებს ბუდისკენ მიათრევს. ხანდახან ნამდვილ ჭანჭიკსაც წამოიყოლებს. ჭანჭიკა ამიტომაც დაარქვეს.
სახლიდანაც ხშირად იპარება, სულ ბუდის შორიახლო დახვავებულ ხარახურას უჩხიკინებს.
გუშინ ბუდესთან ახლოს ჭინჭარამ და ჭიჭომ ჭაბუას ბაღიდან მოზიდული ჭანჭურის გორა აღმართეს. ჭიანჭველებმა ორივე ქებით აავსეს, ჭანჭიკას კი ხის მორიგი ნაჭრის მოტანისთვის ისევ შავი დღე აყარეს.
მეორე დღეს თავსხმა წვიმა წამოვიდა. ნიაღვარმა ჭანჭურის გორა წამში გაიტაცა, მერე ჭიანჭველების ბუდე დატბორა. შეშინებულმა ჭიანჭველებმა ბუდის წვერზე მოიყარეს თავი.
უცებ მათკენ კარგად გამართული პაწია გემი გამოცურდა. გემს თურმე ჭანჭიკა მართავდა.
-ძმებო, გემბანზე ამოცოცდით!-დაიძახა ჭანჭიკამ.
ჭიანჭველების გემი დატბორილ მინდორში გაცურდა. შიში უცებ გაქრა,- თითქოს შორეულ მოგზაურობაში მიდიოდნენ.
-სულ ვუჯავრდებოდით, ის კი თურმე შავი დღისთვის გემს აგებდა,-თქვეს ჭიანჭველებმა,-ჩვენ საყვედურებით გავსებდით, შენ კი გადაგვარჩინე! გასაჭირში დაგვეხმარე! ბოდიშს გიხდით, ჩვენო ჭანჭიკა!
სხვა მოთხრობები
მაშინ ჭიამაია მწერი კი არა, ელფი იყო-ყვავილების ფერია. სახელად მაია ერქვა. პაწია გოგონას წითელი, შავად დაწინწკლული კაბა ეცვა და გამჭვირვალე ფრთები ჰქონდა. მაია ...
დინო პატარა დინოზავრი იყო. იგი ნესტიან და დაბურულ ტყეში გამოიჩეკა. ძლივს ამობობღდა კვერცხიდან, მიიხედ-მოიხედა, მაგრამ ერთმანეთში გადახლართული ხე-გვიმრების მეტი ...
ჯოხს მობეზრდა ხეხილის ბაღში, ბალახებში უსაქმოდ ყოფნა და მწარედ ატირდა: - რამდენი ხანია, აქ უსაქმოდ ვიმყოფები, უკვე აღარავის ვჭირდები! როცა ხის ტოტი ვიყავი, სიც...
მწვანედ მოხასხასე მინდორზე გვირილებმა გაახილეს თვალი, პირველად მზე დაინახეს და მაშინვე შეუყვარდათ: - რა ლამაზია! როგორ გვინდა, ჩვენც მზეს ვგავდეთ! როცა ერთმან...
დარეჯანმა თავისი ჯადოსნური ფუნჯით ჯადოქარი ჯღუნა დახატა. ამ დროს ჯაბამ დაუძახა. დარეჯანი ჯაბასთან გაიქცა, ნახატზე ჯღუნა გაცოცხლდა. მიიხედ-მოიხედა და მშვენიერი თ...
წვიმინი დღე იყო. დები-თაია და ნია ფანჯარასთან მოწყენილი იდგნენ. ისინი წვიმით დაფარულ პატარა ბაღს გაჰყურებდნენ. უცებ დებმა ჩიტუნას ჟივჟივი გაიგონეს. გარეთ, სახლი...
- მე ქვეყანას სინათლესა და სითბოს ვაძლევ! -თავს იწონებდა მზე. - მე მაცოცხლებელ წვიმას, -გაიძახოდა ღრუბელი. - მე ხომ უხვი წყლით ვარ ცნობილი! -გაიძახოდა მდინარე...
გიგა პაპამ და გოგამ გოგრა დათესეს. გიგა გოგრას უვლიდა და აკვირდებოდა. გოგრა სწრაფად იზრდებოდა. მისმა მსხვილმა ღერომ და ფართო ფოთლებმა ლამის მთელი ბოსტანი გადაფა...
ხედავთ? ტყეში ყველა შრომობს. ყველა საქმეშია გართული. კოდალა ხეებს მკურნალობს, ჭია-მატლებისგან იცავს. ციყვი თხილსა და კაკალს აგროვებს. ზღარბი სოკოს იმარაგებს...
პატარა გიორგი ოცნებობს; - ახ, ნეტავ, ფეხმარდი ცხენი მყავდეს! ნეტავ, რკინის პერანგი მქონდეს და ბასრი ხმალი! - რკინის პერანგი და ხმალი? -ბებო იცინის, -ნეტავ, რა...
დაეხმარე სახელის შერჩევაში
Kids.ge-ს რჩევები
ისწავლეთ გულის შეტევის სიმპტომების ამოცნობა
ისწავლეთ გულის შეტევის სიმპტომების ამოცნობა და სასწრაფო დახმარების გამოძახება.
სოფი მაჭავარიანი - ბება და წითელი ბოტები (ზღაპარი)
ბება და წითელი ბოტები იცოდი? წელიწადს ოთხი დრო აქვს: ერთი, ორი, სამი, ოთხი… გაზაფხული, ზაფხული, შემოდგომა და ზამთარი. ახლა შემოდგომაა — ხეებს ყვით...
