დედამ  სტვენია ჩაიდანი იყიდა. ყველა  სტვენია  ჩაიდანი ძალიან მხიარულია.  აინთება  გაზქურა, სტვენია  ჩაიდანი წყალს აათუხთუხებს, მერე კი უსტვენს და უსტვენს.

ჭურჭლის კარადაში შელაგებული ჩაის ფინჯნები და ლამბაქები  მაშინვე  გამხიარულდნენ, უჯრებში  ჩალაგებული კოვზები აწკარუნდნენ.  ჩაის სუფრა  უცებ გაიშალა. მაგიდაზე თეფშით  იდო  დაჭრილი ლიმონი.  ლანგარზე    გემრიელი  ნამცხვრები ელაგა.

-რას ელოდებით? მობრძანდით! ჩაი დალიეთ!- უსტვენდა ჩაიდანი. 

ბიჭუნა  და მისი  პატარა დაიკო  მაგიდისკენ  ჩაის დასალევად  გამოქანდნენ,  მათ დედა და სამსახურიდან დაბრუნებული მამა შეუერთდნენ,  მაგიდასთან  დასხდნენ  ბებია და ბაბუაც. მთელი ოჯახი შეიკრიბა.

ნახეთ, რა  მხიარული ჩაის სმა გამართულა! სტვენია  ჩაიდანი მხიარულად სტვენს,  სხვები კი  სახუმარო სიმღერას მღერიან:

-რა კარგია, რომ ერთად ვართ,                            

რა სჯობია ასეთ ვახშამს,

სტვენია სტვენს, ჩვენ კი ვმღერით:

-ჩაისა ვსვამთ! ვაშა! ვაშა!

თქვენც მოგინდათ ასეთი მხიარული ჩაის სმა? თუ ასეა, სასწრაფოდ გაიქეცით მაღაზიაში  და სტვენია  ჩაიდანი იყიდეთ!

აი, მერე ნახეთ თქვენ  ნამდვილი მხიარულება!