ჰამაკი
ბაბუამ ტილოს სქელი ქსოვილის ჰამაკი იყიდა, რომელიც ცისარტყელას ფერებით იყო მოხატული.
ეზოში ორი დიდი ვაშლის ხე იდგა. ბაბუამ ჰამაკი ხეებს შუა გააბა. ნიკა და ნინიკო ჰამაკზე დასკუპდნენ და გააქანეს. იქვე მურა იწვა, ბავშვების მხიარულებას ადევნებდა თვალს.
-რა კარგი ჰამაკია! თითქოს ცისარტყელაზე ვისხდეთ და ვქანაობდეთ!-გაიძახოდნენ გახარებული ბავშვები, -ბაბუა, უფრო მაღლა, უფრო ჩქარა გაგვაქანე!
-ეს ჰამაკია და არა საქანელა,-უთხრა ბაბუამ ბავშვებს,-როცა დავიღლებით, ვაშლის ხეების ჩრდილქვეშ რიგრიგობით დავისვენებთ.
-რას ამბობ, ბაბუა, ეს ჰამაკი კი არა, ჩვენი ცისარტყელაა!
-რადგან ასეა, ერთმანეთი რიგრიგობით აქანავეთ,-უთხრა ბაბუამ ბავშვებს და სახლში შევიდა.
ცისარტყელა-ჰამაკით ქანაობას ვერაფერი შეედრებოდა. ხან ნიკა აქანავებდა ნინიკოს, ხან ნინიკო-ნიკას.
ბებიამ და-ძმას სადილზე დაუძახა. სადილის შემდეგ ბავშვები სასწრაფოდ ეზოში გაიქცნენ.
დახეთ, რა დაინახეს! იმათ ცისარტყელა -ჰამაკზე მურა იწვა და თვლემდა.
-მურა, ახლავე ჩამოხტი ჩვენი ჰამაკიდან!-გაუჯავრდა ნინიკო.
მურამ ბავშვებს ცალი თვალით გამოხედა. ლაპარაკი რომ შეძლებოდა, და-ძმას უთუოდ ამას ეტყოდა, -ბაბუამ ხომ თქვა, როცა დაიღლებით, ჰამაკზე რიგრიგობით დაისვენეთო.
-მთელი ღამე თქვენ გდარაჯობდით, დავიღლებოდი, აბა, რა იქნებოდა!-გაიფიქრა მურამ და ძილი არხეინად გააგრძელა.
სხვა მოთხრობები
მათეს ძალიან უყვარს ფეხბურთი. უნდა ეზოს გუნდში თვითონაც იყოს, მაგრამ ბავშვები არ ათამაშებენ, ეუბნებიან, ჯერ პატარა ხარო. ამიტომაა, რომ მათე მარტო ვარჯიშობს, ბიჭ...
ხედავთ? ტყეში ყველა შრომობს. ყველა საქმეშია გართული. კოდალა ხეებს მკურნალობს, ჭია-მატლებისგან იცავს. ციყვი თხილსა და კაკალს აგროვებს. ზღარბი სოკოს იმარაგებს...
შენ ალბათ იცი, რომ ჩვენი ანბანის სასახლეში ოცდაცამეტი ასო-ბგერა ცხოვრობს. მათგან ხუთი ხმოვანია, დანარჩენი-თანხმოვანი. ხმოვნები მომღერალი ბგერები არიან. თანხმო...
დარეჯანმა თავისი ჯადოსნური ფუნჯით ჯადოქარი ჯღუნა დახატა. ამ დროს ჯაბამ დაუძახა. დარეჯანი ჯაბასთან გაიქცა, ნახატზე ჯღუნა გაცოცხლდა. მიიხედ-მოიხედა და მშვენიერი თ...
- მე ქვეყანას სინათლესა და სითბოს ვაძლევ! -თავს იწონებდა მზე. - მე მაცოცხლებელ წვიმას, -გაიძახოდა ღრუბელი. - მე ხომ უხვი წყლით ვარ ცნობილი! -გაიძახოდა მდინარე...
დღეს ვაშლის კრეფაა! დიდები და პატარები ხეხილის ბაღში არიან. უფროსები ვაშლს კრეფენ. ნატო და სანდრო დაკრეფილ ვაშლს არჩევენ. წითელ-წითელ და მსხვილ-მსხვილ ვაშლებ...
მამიკო ციყვი მხატვარია. ციყვუნია ცარო მას დილიდან ეწუწუნება: - მამიკო, რა არის, სულ ზღარბებსა და ლოკოკინებს რომ ხატავ? რა იქნება, შემოდგომის სურათი დამიხატო. მ...
ჯოხს მობეზრდა ხეხილის ბაღში, ბალახებში უსაქმოდ ყოფნა და მწარედ ატირდა: - რამდენი ხანია, აქ უსაქმოდ ვიმყოფები, უკვე აღარავის ვჭირდები! როცა ხის ტოტი ვიყავი, სიც...
ტასო დიდ ოჯახში ცხოვრობს. ამ ოჯახის ყველა წევრი თავისი საქმიანობით ამაყობს. -ჩვენ ყველანი სხვებზე ვზრუნავთ,-ამბობენ ისინი. -როგორ ზრუნავთ? რას აკეთებთ?-უკ...
დედაჩემს დეა ჰქვია. ხომ ლამაზი სახელია? დედა-დეა. ერთი დ აკლია, თორემ სახელადაც დედა ერქმეოდა. დედაჩემი დედად მუშაობს, ჩვენ გვივლის, მე და ჩემს დაიკო მაგდას....
დაეხმარე სახელის შერჩევაში
Kids.ge-ს რჩევები
ასწავლეთ მოქნილობა
დაეხმარეთ ბავშვს, გააცნობიეროს, რომ გეგმები შეიძლება შეიცვალოს და მოქნილად მოერგოს ახალ სიტუაციებს.
სოფი მაჭავარიანი - ბება და წითელი ბოტები (ზღაპარი)
ბება და წითელი ბოტები იცოდი? წელიწადს ოთხი დრო აქვს: ერთი, ორი, სამი, ოთხი… გაზაფხული, ზაფხული, შემოდგომა და ზამთარი. ახლა შემოდგომაა — ხეებს ყვით...
