kids.ge logo

არიფანა

ფავორიტებში დამატება

სოფლელი გოგო-ბიჭების გულგასახარი გასართობი არიფანა იყო. ვარდობისთვის ერთ ლამაზ დღეს ვინ კვერცხებს გამოიტანდა, ვინ მაწონსა და ყველს, ვინ ხახვსა და ნიორს, ვინ პურსა და ღვინოს. ერთი სიტყვით, ვისაც რისი შესაძლებლობა ჰქონდა, იმას გამოიტანდა. გაშლიდნენ საძმო სუფრას სადმე ბაღში ან ვინმეს კალოზე, დააწყობდნენ თავიანთ წილ ხორაგს და იწყებოდა ქეიფი და მოლხენა.

სუფრა უკვე გაეშალათ მეარიფანეთ, გოგლა რომ მოვიდა. თავისი კუთვნილი ხორაგი ერთ კუთხეში დაახვავა და ორღობეს გახედა. ვარო და მისი პატარა ძმა ნიკა მობუზულები მიმსხდარიყვნენ ღობის ძირას და სახე ჩამოსტიროდათ.

- მანდ რასა სხედხართ? - გასძახა გოგლამ.

- გაანებე თავი, მაგათ არაფერი არ მოუტანიათ, - უთხრა ფაშიამ.

გოგლა გაენთო მაიკო დეიდას სახლისკენ, აქოშინებული ავარდა კიბეზე და:

- დეიდა მაიკო.

- რაო, თავს შემოგევლოს დეიდა.

- არიფანა გავმართეთ და ვაროსა და ნიკას არ უშვებენ, არაფერი მოუტანიათო.

- ჰო, ისინი ძალიან ხელმოკლედა ცხოვრობენ, ჩემო სულისდგმავ, სახლში მჭადის ნატეხიც არ უდევთ. რას გამოიტანდნენ. მოიცა, შენ დაგენაცვლე, - უთხრა და შებრუნდა. დიდი ქათქათა ხელსახოცი გაშალა მაგიდაზე, ზედ ქილა თაფლი დადგა, კვერცხები და ყველის მოზრდილი ნაჭერი დადო, პურებიც დაალაგა, მერე ხელსახოცის ორ-ორი წვერი ერთად გამონასკვა და მიაწოდა გოგლას.

- აჰა, წაიღე, ეს იმათი წილია-თქო, უთხარი გოგო-ბიჭებს, ჩემო სანდომელავ!

გოგლამ გაშლილ სუფრაზე დააწყო მიტანილი სანოვაგე და ამაყად გამოაცხადა:

- ეს ვარდოსა და ნიკას წილია! - მერე დაღონებულ და-ძმასთან მივიდა, - რაღას უდგახართ, წამოდით, ლხინი იწყება...

ჟივილ-ხივილით შემოუსხდნენ გოგო-ბიჭები საძმო სუფრას.

ჯერ არცერთ მომხამრებელს არა აქვს შეფასება გაკეთებული. თქვენ როგორ გფიქრობთ, რა ასაკის ბავშვისათვის შეიძლება იყოს ეს $work_type საინტერესო? საორიენტაციო ასაკის მისანიჭებლად, გთხოვთ შეხვიდეთ სისტემაში ან გაიაროთ რეგისტრაცია და გვითხრათ, თქვენი აზრით რა ასაკის ბავშვისათვის არის ეს $work_type საინტერესო. თქვენი აზრი ჩვენთვის მნიშვნელოვანია!

ნახატი მოთხრობები

ამ ნაწარმოების თემაზე ბავშვებს მიერ შექმნილი ნახატები. თუ შენც გაქვს რაიმე დახატული, გაუზიარე ის სხვებს!

გამოგვიგზავნე შენი ნახატიც
 
Kids.ge-ს რჩევები

მხარი დაუჭირეთ გუნდურ მუშაობას

როგორც კი თქვენი ბავშვი დაიწყებს სკოლაში სიარულს, ის დღის განმავლობაში დაახლოებით 4-5 საათს გაატარებს თანატოლებთან და მასწავლებლებთან ერთად და მიიღებს მონაწილეობას სხვადასხვა ჯგუფურ აქტივობებში. მან უნდა ისწავლოს გუნდურად მუშობა იმის უზრუნველსაყოფად, რომ ესაუბრებოს სხვა ბავშვებს და ჩაერთოს კომუნიკაციაში. მიუხედავად იმისა, რომ ის სახლში შეიძლება იყოს ყურადღების ცენტრში და მისი ყველა მოთხოვნა უმალ სრულდებოდეს, მან უნდა გაიაზროს, რომ იგივე სიტუაცია არ დახვდება სკოლაში. ბავშვის თანატოლებთან შეთავსების უზრუნველსაყოფად, საჭიროა მას ასწავლოთ გუნდური მუშაობა, რომლისთვისაც აუცილებელი უნარები შეგიძლიათ სახლში თამაშით განუვითაროთ

ანი კაპანაძის ბლოგი - დაწყებითი კლასის მასწავლებელი
ანი კაპანაძის ბლოგი - დაწყებითი კლასის მასწავლებელი

„მასწავლებელი - ზოგჯერ უშვილო,მაგრამ ათასი ბავშვის მშობელი”   პირველად რომ წავიკითხე იოსებ ნონეშვილის ლექსი, „მასწავლებელი” საოცა...

ყველა უფლება დაცულია.
kids.ge © 2011 - 2024