kids.ge logo

ხარაბუზა და ფუტკარი

ფავორიტებში დამატება
ხარაბუზა ფუტკარს შეხვდა,
მიძახა: “გზა მომეო!
ვერ მიცანი, განა, ვინც ვარ?
როგორ გამეთამამეო?

“თუ ვერ ატყობ თავს, ვინცა ხარ,
გამიგონე, რომ გითხრაო:
შენ რომ ფრთები გამოგბმია,
ღმერთიც მაშინ გაგიწყრაო!

“ბზულასა, ტყულასა,
შხამიანსა, მკბენარსაო,
ვინ არ გიცნობს უსაქმურსა,
მფრინავს მოუსვენარსაო?!

“მე კი დარბაისლად მცნობენ,
შრომისა ვარ მოყვარეო...
ჩემთვისა ვარ, არვისა ვკბენ,
არ ვარ შენი მოგვარეო!

“ქვეყნის თვალში მე სულ სხვა ვარ,
შენ სულ სხვა ხარ... ხომ ხედავო?
ჩამოდექი, გზა მომეცი!..
ურჩობას ნუ მიბედავო!”

ფუტკარმა ეს უპასუხა:
“ნუ მაცინებ, ხა-ხა-ხაო!
ვინც რომ ქვეყნად გაგაჩინა,
ნეხვის ჭიად დაგსახაო!

“ბევრს რომ შრომობ, ნუთუ ჰფიქრობ,
რომ მთა და ბარს ასწორებო?..
მხოლოდ ფუნეს აგუნდავებ,
იქვე ახლო აგორებო.

“ის ხომ შენი საზრდო არის?
შენს მეტს არვის არგიო!
შენ აკეთებ... შენვე ჰზიდავ...
საკუთარი ბარგიო!

“დარბაისლად იმუშავებ,
რაღად ირბენ, აბა, შორსო?
ყოველ ფეხის გადადგმაზე
ნახავ, გინდა მთელ გოდორსო!

“მე კი სხვა ვარ... სულ სხვა მუშა
და სხვაგვარად მოღვაწეო:
ზეცის მუშას მეძახიან,
არ ვარ მარტო სამიწეო!

“მისთვის დავფრენ მოუსვენრად,
რომ მოვძებნო ყვავილიო,
გულის წვენი ამოვწუწნო,
სამკურნალო რამ ტკბილიო.

“შევუმზადო მით ქვეყანას
თაფლი, ზეცას - სანთელიო,
რომ იქ წმინდად შეწიროს
და ანათოს აქ ბნელიო.

“ვინც მე იმ დროს ხელს შემიშლის
ქვეყნის მტერიც ის არიო,
და მისთვის მაქვს მომართული
გესლინი ისარიო!”

ეს უთხრა და ფრთა გაშალა,
მიშურა ყვავილებსა...
და ჩვენც ამგვარ პასუხს ვკადრებთ
ზოგიერთ ჩვენს ყმაწვილებსა.
1884 წ.

ჯერ არცერთ მომხამრებელს არა აქვს შეფასება გაკეთებული. თქვენ როგორ გფიქრობთ, რა ასაკის ბავშვისათვის შეიძლება იყოს ეს ლექსი საინტერესო? საორიენტაციო ასაკის მისანიჭებლად, გთხოვთ შეხვიდეთ სისტემაში ან გაიაროთ რეგისტრაცია და გვითხრათ, თქვენი აზრით რა ასაკის ბავშვისათვის არის ეს ლექსი საინტერესო. თქვენი აზრი ჩვენთვის მნიშვნელოვანია!

ავტორის შესახებ

აკაკი წერეთელის სხვა ლექსები:

ჩემო თავო, ბედი არ გიწერია
ჩემო თავო, ბედი არ გიწერია!
ჩემო ჩანგო, ეშხით არ გიჟღერია!...
იმერული სიმღერა
პატარა საყვარელო,
რისთვის მომიკალ გული?...
ხანჯალს
შენი ჭირიმე, ხანჯალო,
რკინაო ხვარასნისაო,...
თვალს მიხვევენ...
თვალს მიხვევენ, ენას მგლეჯენ,
და მაგდებენ საკირეში!...
სიზმარი
ერთხელ მხოლოდ, - ისიც ძილში, -
ქართველ ქალთა ვნახე კრება;...
„ბეჰემოთი“
ნახატის ავტორი:
იოანე ჟორჟოლიანი (6 წლის)

დაამატე შენი დახატული კლიპარტი
decoration

ვიდეო ლექსები

ბავშვების მიერ გაცოცხლებული აკაკი წერეთელის ლექსი „ხარაბუზა და ფუტკარი“. თუ შენც გაქვს ამ ლექსის ვიდეო, გამოგვიგზავნე და გაუზიარე ის სხვებსაც!

გამოგვიგზავნე შენი ვიდეოც
 

ნახატი ლექსები

ლექსზე „ხარაბუზა და ფუტკარი“ ბავშვების მიერ შექმნილი ნახატები. თუ შენც გაქვს ამ ლექსის თემაზე რაიმე დახატული, გამოგვიგზავნე და გაუზიარე სხვებს.

გამოგვიგზავნე შენი ვიდეოც
 
Kids.ge-ს რჩევები

ასწავლეთ მეგობრების მხარდაჭერა სკოლის სპექტაკლებზე

ასწავლეთ ბავშვს, როგორ მხარი დაუჭიროს მეგობრებს სკოლის სპექტაკლებზე და გაახალისოს ისინი.

სოფი მაჭავარიანი - გაზაფხული (ლექსი პატარებს)
სოფი მაჭავარიანი - გაზაფხული (ლექსი პატარებს)

გაზაფხულდა,ყვავილებმა გაიშალეს თმები, ტანთ ლამაზი ჩაუცვიათ ჭრელი სამოსელი. გაიღვიძეს ცხოველებმაც დახტის ცელქი შველი პეპელას ვერ დაეწევი, რომ მოჰკიდო...

„გაზაფხული“
ნახატის ავტორი:
ნოდარი მერაბიშვილი (3 წლის)

დაამატე შენი დახატული კლიპარტი
decoration

სხვა ლექსები ამავე კატეგორიებიდან

დაახლოებით ამავე ზომის ლექსები კატეგორიებიდან ლექსები ბუნებაზე და ლექსები ხეებზე

ვაჟა–ფშაველა
დაგვიანებული პასუხი აკაკის

ვაჟა–ფშაველა

“ენას გიწუნებ, ფშაველო,
მგოსანო მაღალ მთისაო,...
ვაჟა–ფშაველა
ღამე მთაში

ვაჟა–ფშაველა

დაღამდა… წვრილნი ვარსკვლავნი
აყვავდენ, დასხდენ ცაზედა;...
იულან ტუვიმი
ბოსტნეულის ამბავი

იულან ტუვიმი

ერთმა დიასახლისმა
მოიარა ბაზარი...

უფრო მცირე ზომის ლექსები კატეგორიებიდან ლექსები ბუნებაზე და ლექსები ხეებზე

ლუარა ჭანტურია
ვაზი

ლუარა ჭანტურია

რად ტირიან ნეტავი?
ვაზის ნორჩი რტოები,...
ლუარა ჭანტურია
ღამის ბინდი

ლუარა ჭანტურია

ღამის ბინდი ფეხაკრეფით გაიპარა,
ირიჟრაჟა ლალისფერმა განთიადმა,...
ელენე სალარიძე
ნინოს შიში

ელენე სალარიძე

წვიმის შხაპუნა წვეთები
ეფერებიან ბაღებს,...
ანა კალანდაძე
ვაჟაო, დილის მზის სხივო,

ანა კალანდაძე

ვაჟაო, დილის მზის სხივო,
ხან მთებზე ნისლთა დინებავ,...
ხალხური
დაუკარ, ჩემო ჩონგურო

ხალხური

დაუკარ, ჩემო ჩონგურო,
შენ სალამურო წკრიალა,...

უფრო დიდი ზომის ლექსები კატეგორიებიდან ლექსები ბუნებაზე და ლექსები ხეებზე

ვაჟა–ფშაველა
ობოლი

ვაჟა–ფშაველა

“აღარც დედა მყავს, არც მამა,
აღარც ძმა, აღარც ბიძები,...
გალაკტიონ ტაბიძე
გეტერა

გალაკტიონ ტაბიძე

ღამის ლეგენდა დაჰქრის, დასცურავს,
ჩანგის სიმების მოისმის ჟღერა, ...
ვაჟა–ფშაველა
ამირანი

ვაჟა–ფშაველა

ადე, ამირან, რას გძინავ?
ცხენს დაუყარე ხანძილი,...
ბესიკი
მნათობთადმი

ბესიკი

ჰეი, მთვარეო, შენი მკვირანო:
რად მიაჩრდილენ შენცა ჭირანო? ...
ვაჟა–ფშაველა
ბუნების გლოვა

ვაჟა–ფშაველა

Ι
...
ყველა უფლება დაცულია.
kids.ge © 2011 - 2025