ლელა (მარინე) გაბური - ექიმი, პოეტი, საბავშვო მწერალი, მკვლევარი. დაიბადა 1967 წლის 8 მარტს გარდაბნის რაიონის, სოფ. გამარჯვებაში.

1993 წელს დაამთავრა თბილისის სახელმწიფო სამედიცინო უნივერსიტეტის სამკურნალო ფაკულტეტი.

2006 წელს დაიცვა  დისერტაცია თემაზე : „ტრადიციული მედიცინა და ბიოეთიკის საკითხები საქართველოში“ და მიენიჭა მედიცინის მეცნიერებათა აკადემიური დოქტორის წოდება.

გამოქვეყნებული აქვს არაერთი სამეცნიერო კვლევა ტრადიციული მედიცინის, ხევსურული ფოლკლორის და რელიგიის ისტორიის საკითხებზე.

არის 4 პოეტური კრებულის და ერთი აუდიო-დისკის ავტორი, რომელშიც  პოეზიასთან ერთად შესულია მის ლექსებზე შექმნილი სიმღერები.

1998 წელს ლელა გაბურის პოეტურ კრებულს „ყამარის ლექსი“ მიენიჭა მწერალთა კავშირის წლის პრემია.

პირველი საბავშვო  წიგნი  „გუგუმანა კლდის ამბავი“ დაიბეჭდა 2006 წელს რედაქტორი- ამირან არაბული, მხატვარი — თენგიზ მირზაშვილი.

2018 წელს დაიბეჭდა მეორე საბავშვო წიგნი: „ჩიკო და ქობულოელი ბავშვები“ 2019 წელს  გამოიცა „საბავშვო პოემები“.

2018-19 წლებში ლელა გაბურის საბავშვო წიგნები გახდა იაკობ გოგებაშვილის სახელობის საბავშვო და საყმაწვილო  ლიტერატურის კონკურსის ნომინანტი  და მოხვდა ფინალისტთა სამეულში