ნუნუ ჯანელიძე (პოეტი, პროზაიკოსი) დაიბადა აფხაზეთში, ოჩამჩირის სოფელ არადუში.

დაამთავრა სოხუმის უნივერსიტეტის ფილოლოგიის ფაკულტეტი. აფხაზეთში განვითარებული მოვლენების შემდეგ ოჯახთან ერთად  საცხოვრებლად  გადავიდა წყალტუბოში. მუშაობდა ადგილობრივ ტელეკომპანიაში " ედელვაისი". ჰქონდა საავტორო გადაცემა " ჩემი აფხაზეთი".

ლექსებს წერს ბავშვობიდან. მისი ლექსები და მოთხრობები დაბეჭდილია ჟურნალ-გაზეთებში: " ჩვენი მწერლობა", " ლიტერატურული პალიტრა", " იალქანი", " რიწა", " ცისკარი", " განთიადი", " ჩემი აფხაზეთი" და სხვა.

არის სამი პოეტური კრებულის ავტორი: " აჰა, აყვავდა ჩემს ხელებში ტოტი ნუშისა", " მკერდზე მიკრული ზეცით" და „დაწუნებული ლექსები“. აქვს გამოცემული საბავშვო ლექსების კრებულები: " ხატულა ლექსები" და „პანტა პუნტები“. მისი მოთხრობა „ღამე მთოვარით ნათელი“ შესულია კრებულში „უასზღვროდ“ და თარგმნილია გერმანულ ენაზე.

2006 წლიდან არის საყმაწვილო ჟურნალ " იალქნის" მხატვრული რედაქტორი.